ख्रिस्ती इतिहासातील 'अंधार युग' काय होते?

ख्रिस्ती इतिहासातील 'अंधार युग' काय होते? 

"अंधारयुग" हा सामान्यतः मध्ययुग म्हणून ओळखल्या जाणाऱ्या कालावधीचा प्रारंभिक भाग मानला जातो. बऱ्याचदा अंधारयुग हा शब्द 476 मध्ये रोमच्या पतनानंतरच्या सुरुवातीच्या पाचशे वर्षांना सूचित करतो. तो इसवी सन 450 च्या सुमारास सुरू झाला आणि इसवी सन 1000 पर्यंत चालला असे मानले जाते. या काळात रोम आणि इतर शहरे उत्तर आणि मध्य युरोप मधील रानटी लोकांच्या आक्रमणामुळे पराभूत झाली. शहरांतील नागरिकांचे रक्षण करण्यासाठी यापुढे शाही अधिकार नसल्यामुळे, इतिहासाच्या या काळात शहरी लोकसंख्या झपाट्याने कमी झाली. मजबूत केंद्रीय सत्तेच्या कमतरतेचा आणखी एक परिणाम म्हणजे विशेषत: इसवी सन 900-1150 पासून सरंजामशाही व्यवस्थेचा विकास झाला. या सरंजामशाही युगात, बहुतेक परगण्यांमध्ये ग्रामीण लोकसंख्या होती आणि शहरे लहान आणि कमी होती. किल्ले आणि तटबंदी असलेल्या शहरांचे जहागिरदारांच्या सैन्याने रक्षण केले आणि आक्रमक रानटी लोकांपासून शेतकरी आणि शहरवासीयांना सुरक्षा आणि सुरक्षा प्रदान केली. सरंजामशाही व्यवस्थेचा एक परिणाम म्हणजे सामंतवादी दबाव आणि त्यांच्यावर ठेवलेले नियंत्रण यामुळे चर्चच्या संरचनेत घट झाली. याच काळात मठवाद नावाची नवीन धार्मिक चळवळ विकसित झाली. AD. 529 मध्ये मॉन्टे कॅसिनो येथे बेनेडिक्टाइन ऑर्डरची स्थापना झाल्यानंतर, मठवादाचा प्रसार मध्ययुगीन चर्चमध्ये झपाट्याने झाला आणि मठाने प्रारंभिक चर्चच्या कार्यांची जागा घेतली आणि ते प्र्राचींन शहर आणि मध्ययुगीन शहर यांच्यातील दुवा बनले. शहरांपासून चर्च मागे मठांपर्यंत गेल्यम्मुळे चर्च बाहेरून अधिक अंतर्मुख झाले. कधीकधी चर्चला गडद युगाच्या आध्यात्मिक अंधारासाठी दोषी ठरवले जाते, परंतु अनेक मार्गांनी ते एकमात्र प्रकाश होता, कितीही मंद असला तरीही, आजूबाजूच्या रानटीपणा आणि जातीयवादाच्या अंधारात चमकत होता. या काळात याजक आणि भिक्षूंनी रोमन साम्राज्याच्या अस्त होत चाललेल्या अवशेषांपासून शास्त्रीय साहित्याचा खजिना—पवित्र शास्त्रवचने आणि Early Fathers चे लेख भविष्यासाठी त्यांचे जतन केले. निश्चितपणे, चमकणारा हा प्रकाश चर्चच्या परंपरेतून अधिक दिसत होता आणि देवाच्या वचनात आढळणारा संपुर्ण प्रकाश नव्हता तरी, त्या काळातील अंधारमय दिवसांत पुरेसा प्रकाश होता आणि जोपर्यंत सुधारणेच्या चळवळ मधून ख्रिस्ताचा खरा पूर्ण प्रकाश परत आणला गेला नाही तोपर्यंत तो चालू राहिला. तरीही या अध्यात्मिक अंधकारमय काळातही, ख्रिस्ताचे साक्षीदार सर्व वयोगटात आणि देशांत होते.