'माराना था' या शब्दाचा अर्थ काय?

'माराना था' या शब्दाचा अर्थ काय?

[जर कोणी प्रभू येशू ख्रिस्तावर प्रीती करत नसेल, तर तो शापभ्रष्ट असो. माराना था. (1‭‭ करिंथ 16:22)]

 "माराना था 'Marana tha' हा एक अरामी भाषेतील शब्द आहे ज्याचा अर्थ "प्रभू येत आहे" किंवा "ये, हे प्रभ." सुरुवातीच्या मंडळीला खूप छळाचा सामना करावा लागला आणि रोमन राजवटीत ख्रिस्ती लोकांसाठी जीवन सोपे नव्हते. रोमन साम्राज्यात प्रत्येकाला रोमी सम्राट सीझर याला 'देव' असल्याचे स्वीकारणे आवश्यक होते. सुरुवातीच्या ख्रिस्ती लोकांना माहित होते की एकच देव आणि एकच प्रभु आहे - तो म्हणजे प्रभू येशू ख्रिस्त — आणि ते रोमी सम्राट सीझरला “प्रभू” म्हणू शकत नाहीत, म्हणून रोमन लोकांनी त्यांच्याकडे देशद्रोही म्हणून पाहिले, त्यांचा छळ केला आणि त्यांना ठार मारले.

 अशा प्रतिकूल परिस्थितीत राहून, प्रभूच्या येण्याच्या आशेने विश्वासणाऱ्यांचे मनोबल उंचावले. "माराना था!" यहुदी अभिवादन शालोम ("शांती") च्या जागी, अत्याचारित विश्वासणाऱ्यांचे सामान्य अभिवादन बनले. येशूच्या अनुयायांना माहित होते की येथे शांती मिळणार नाही कारण येशूने त्यांना तसे सांगितले होते (मत्तय 10:34; लूक 12:51). परंतु त्यांना हे देखील माहित होते की प्रभु त्याचे राज्य स्थापन करण्यासाठी परत येणार आहे आणि या सत्यापासून त्यांना मोठा दिलासा मिळाला. "माराना था" या शब्द द्वारे अभिवादन करून ते सतत आठवण करून देत होते आणि प्रभू येत असल्याची आठवण करून देत होते (लूक 21:28; प्रकटीकरण 22:12). येशूने त्याचे दुसरे येणे आणि त्याच्या आगमनाची वाट पाहणे आणि त्याच्या परतीसाठी तयार असणे या एकाच विषयावर अनेक दृष्टांत सांगितले (मत्तय 25:1-13; लूक 12:35-40).

 आज, आपला प्रभु आणि तारणारा येशू ख्रिस्तावर विश्वासणारे आपले जीवन या ज्ञानाच्या प्रकाशात जगतात की तो कधीही येऊ शकतो. जेव्हा तो येईल तेव्हा आपण तयार असणे आवश्यक आहे. प्रत्येक दिवशी आपण त्याच्या येण्याची अपेक्षा केली पाहिजे आणि प्रत्येक दिवशी आपण त्याच्या येण्याची आस बाळगली पाहिजे. 'माराना था' अभिवादन आम्हाला आत्म्याच्या गोष्टींवर नजर ठेवण्याची आठवण करून देते. भौतिक गोष्टींवर लक्ष केंद्रित करणे म्हणजे सतत मानसिक रित्या अशांत असणे. आजूबाजूला पाहताना आपल्याला पृथ्वीवरील गोष्टी दिसतात. पण वर पाहताना, आपल्या प्रभु येशू ख्रिस्ताच्या लवकरच येण्याची आशा आपल्याला दिसते.  

आज नाउमेद झालेल्यांना, माराना था! ज्यांना आज काळजी वाटते त्यांना, माराना था! ज्यांना भेडसावणाऱ्या समस्यांबद्दल चिंतेने ग्रासले आहे त्यांना, माराना था! आमचा प्रभु येत आहे!