आंतरजातीय विवाहाबद्दल बायबल काय सांगते? तो योग्य की अयोग्य आहे?

आंतरजातीय विवाहाबद्दल बायबल काय सांगते?

जुन्या कराराच्या कायद्याने इस्राएल लोकांना आंतरजातीय विवाह करण्यास मनाई केली (अनुवाद 7:3-4). तथापि, हे प्रामुख्याने जातीमुळे नव्हे तर त्याचे कारण धार्मिक होते. देवाचे यहुद्यांना आंतरजातीय विवाह करण्यास मनाई करण्याचे मुख्य कारण म्हणजे इतर राष्ट्रे खोट्या दैवतांची मूर्तिपूजक होती. जर इस्राएल लोकांनी मूर्तिपूजक, विधर्मी किंवा विदेशी लोकांशी विवाह केला तर ते देवाच्या मार्गापासून दूर जातील. मलाखी 2:11 नुसार इस्त्रायलच्या बाबतीत नेमके असेच घडले.

 नवीन करारात आध्यात्मिक शुद्धतेसाठी हेच समान तत्त्व मांडण्यात आले आहे, परंतु त्याचा कोणत्याही प्रकारे जातीशी काहीही संबंध नाही: “‭‭तुम्ही विश्वास न ठेवणार्‍यांबरोबर संबंध जोडून विजोड होऊ नका; कारण नीती व स्वैराचार ह्यांची भागी कशी होणार? उजेड व अंधार ह्यांचा मिलाफ कसा होणार? (2 करिंथ 6:14). ज्याप्रमाणे इस्त्रायलींना (एका खऱ्या देवावर विश्वास न ठेवणारे) अविश्वासूंशी लग्न न करण्याची आज्ञा देण्यात आली होती, त्याचप्रमाणे ख्रिस्ती (एका खऱ्या देवावर विश्वास न ठेवणारे) अविश्वासूंशी लग्न न करण्याची आज्ञा देण्यात आली आहे. 

तथापि आंतरजातीय विवाह चुकीचा आहे असे बायबल कधीही म्हणत नाही. विश्वास ठेवणारे जोडपे जर वेगवेगळ्या जातीतून येत असतील त्यांना मनाही करणे पवित्र शास्त्र अनूसार नाही. आज अनेक विश्वास ठेवणारे लग्नासाठी जातपात पाहतात जे अत्यंत चुकीचे आहे. 

मार्टिन ल्यूथर किंग यांनी म्हटल्याप्रमाणे, एखाद्या पुरुषाचा किंवा स्त्रीचा त्याच्या त्वचेच्या रंगावरून नव्हे तर त्याच्या चारित्र्यावरून न्याय केला पाहिजे. जातीवर आधारित भेदभावाला ख्रिस्ती लोकांच्या जीवनात स्थान नाही (यकोब 2:1-10). सत्य हे आहे की, या प्रकरणाबद्दल बायबलचा दृष्टिकोन असा आहे की एकच "जात" आहे - मानवजात, प्रत्येक आदाम आणि हव्वा यांचे वंशज आहेत. जेव्हा जोडीदार निवडण्याचा प्रश्न येतो, तेव्हा विश्वासणाऱ्याने नेहमी शोधले पाहिजे की संभाव्य जोडीदाराचा येशू ख्रिस्तावरील विश्वासाने नवा जन्म झाला आहे की नाही (योहान ३:३-५). ख्रिस्तावरील विश्वास हा जीवनसाथी निवडण्यासाठी बायबलमधील निकष आहे त्वचेचा रंग नव्हे, किंवा जात नव्हे. आंतरजातीय विवाह हा योग्य किंवा अयोग्य या विषयाचा नसून ज्ञान, समज आणि प्रार्थनेचा विषय आहे.

 विवाहाचा विचार करणाऱ्या जोडप्याला अनेक बाबींचा विचार करावा लागतो. जतिकडे, त्वचेच्या रंगाकडे दुर्लक्ष केले पाहिजे, परंतु जोडप्यासाठी लग्न करण्याचा निर्णय हा एकमेव घटक असू नये. आंतरजातीय जोडप्याला भेदभाव आणि उपहासाला सामोरे जावे लागू शकते आणि त्यांनी अशा पूर्वग्रहांना बायबलच्या पद्धतीने प्रतिसाद देण्यास तयार असले पाहिजे. "‭‭यहूदी व हेल्लेणी ह्यांच्यामध्ये भेद नाही; कारण सर्वांचा प्रभू तोच आणि जे त्याचा धावा करतात त्या सर्वांना पुरवण्याइतका तो संपन्न आहे (रोम 10:12). चर्च मध्ये एक जोडपे एक चर्च रंग भेद, किंवा जाती भेद यांस दुर्लक्ष करून आपण एकमेकांच्या बरोबरीचे आहोत याचे एक शक्तिशाली उदाहरण होऊ शकते.